Sa bansang Hapon, may sistema ng insurance pang-medikal na kapag ikaw ay nagkasakit
o napinsala ay maaari kang magpagamot ng mura lamang. Hindi lamang makakatulong
sa oras na ikaw ay magkasakit o mapinsala, pati rin ang iyong pamilya ay maluwag
ang kaloobang makakapagpapagamot.
May dalawang klase ng insurance sa bansang ito, ang Kenko Hoken o Health Insurance
ang at ang Kokumin Kenko Hoken o National Health Insurance.
Ang Health Insurance (Kenko Hoken) ay para sa tulad ng mga empleado sa opisina
o mga manggagawa sa pabrika at sa kanilang pamilya. Ang kumpanya ang nag-aayos
nito kaya sa mga hindi pa nakapasok sa Health Insurance (Kenko Hoken) kunsultahin
ang taong kinauukulan sa inyong pinapasukan. Ang halaga ng bayad sa insurance
na ito ay nag-iiba depende sa natatanggap na suweldo ngunit kahit na ano ang
dami ng inyong anak hindi ito magbabago.
Ang babayaran kung magpapagamot ay 20% ng halaga kung para sa sarili at 30%
naman kung para sa pamilya. Sa oras na ma-ospital naman, 20% pareho ang babayaran
para sa sarili at para sa pamilya.
Sa National Health Insurance (Kokumin Kenko Hoken) naman maaaring makapasok
ang mga dayuhang estudyante at ang mga nagtatrabaho sa maliliit na tindahan
na nakapagpa-rehistro bilang isang dayuhan o may Alien Card, at makapagpapatunay
na sila ay nanirahan na rito ng isang taon o mahigit pa.
Upang makapasok sa National Health Insurance (Kokumin Kenko Hoken) pumunta lamang
sa munisipyong pinagkuhanan ninyo ng Alien Card at doon magpa-miyembro. Hindi
maaaring sumali ang mga dayuhang ang visa ay maikling panahon lamang.
Kung magpapagamot at gagamitin ang insurance na ito, kahit sinuman 30% ng halaga
ng pagpapagamot ang babayaran. Ang bayad naman sa insurance na ito ay nagbabago
hindi lamang depende sa natatanggap na suweldo, depende rin sa dami ng miyembro
ng pamilya.
Kung nais ninyong kumonsulta ukol sa pagpapagamot, tumawag sa AMDA International
Medical Information Center in Kansai (Kansai Kokusai Iryou Jouhou Center Kansai).
Maaari kumonsulta kahit hindi nakakapagsalita ng wikang hapon. Maaaring kumonsulta
sa wikang Ingles at Espanol mula Lunes hanggang Biyernes, may araw din na para
sa wikang Portugal at Intsik Ang kanilang telepono ay 06-4395-0555.